Учениците од „Братство – Единство“ се потсетија на приказната за штурецот и мравката

Денот на шегата во НУ Библиотека „Григор Прличев“ е одбележан со презентацијата на приказната за „Штурецот и мравката“.

Гости во библиотеката беа учениците од трето одделение од ОУ „Братство – Единство“ заедно со своите учителки Наташа Балева и Оливера Дамјаноска.

Елизабета Бојческа и Христина Трпеска, вработени во библиотеката им ја презентираа приказната  преку збор и слика, а потоа следеше  и разговор со учениците  и се откри  поуката што во себе ја крие оваа секогаш актуелна приказна.

Презентацијата ја подготвија м-р Мариче Боздоганова и Елизабета Бојческа.