Затуроска: Кој ја краде водата во Струга?
Пратеничката Лилјана Затуроска излезе со реакција во врска со рестрикциите на водата за пиење од струшкиот водовод за време на вечерните часови, проблем со кој се соочуваат граѓаните на Струга повеќе од две недели.
„КОЈ ЈА КРАДЕ ВОДАТА ВО СТРУГА?
Струга град на вода, а без вода!
Дали градоначалникот ќе се одважи да им објасни на граѓаните чија е бизнис зделката која се прави со водата, а стружани ќе мораат да плаќаат повеќе струја со изговор дека таа е “ПОЕВТИНА” во текот на денот отколку навечер?!
Доста ги лажете граѓаните!!
Излезете со одговор за проблемот со водата и дајте решение на истиот што побрзо!!
Водата ја нема во лето, а уште помалку во зимскиот период!!
Ова е срамота за градските власти и бедното манипулирање на граѓаните!“ – вели Затуроска.
