До четврток ќе се задржи променливо облачно, посвежо и нестабилно време

До четврток ќе се задржи променливо облачно, посвежо и нестабилно време, на повеќе места претежно во попладневните и вечерните часови со пороен дожд и грмежи. Локално ќе има поинтензивни процеси во форма на невреме со пообилен дожд за кратко време, силни електрични празнења, силен ветер и појава на град.

Во петок и за време на викендот ќе преовладува сончево време, но ќе има услови за изолирана појава на нестабилност со пороен дожд и грмежи. Дневната температура ќе биде во пораст.