Лице од Долно Лакочереј почина при пад во неговиот дом

На 01.01.2024 година во 18:35 часот, во СВР Охрид пријавено е дека, медицинска екипа со возило на Итната медицинска помош, од охридското село Долно Лакочереј транспортира лице кое, и покрај обидите за реанимација, не давало знаци на живот.

Од преземените мерки констатирано е дека се работи за Н.С.(35) од истото село, кое, според членови на неговото семејство, се здобило со повреди при пад во семејниот дом.

За настанот, известен е јавен обвинител а по нивно барање, телото е предадено на семејството.

WebOhrid / 01.01.2024 / СВР Охрид