Попова Шапка вечерва го пречекува реге-караванот на Конкеринг лајон

Вечерва (сабота 23 декември 2017) во „Сноу патрол лоџ“ (Snow Patrol Lodge) на Попова Шапка ќе се одржи четвртиот концерт од проектот “Реге караван”, дел Новиот културен бран на Министерството за култура…

Реге караванот го спроведува бендот „Конкеринг лајон“ (Conquering Lion), со цел да ја запознае македонската публика со културата, музиката и пораката што ја носи со себе овој музички правец.

„Конкеринг лајон“ во изминативе 10 години активно работат на промоција и ширење на реге културата, со цел Македонија да се издигне на ниво на другите европски земји каде веќе се случуваат големи настани, фестивали и работилници посветени на реге музиката и растафари културата воопшто.