Средба со амбасадорот Јан Петерсен, шеф на набљудувачката мисија на ОБСЕ/ОДИХР

Претседателот на Република Македонија, д-р Ѓорге Иванов, денеска го прими амбасадорот Јан Петерсен, шеф на набљудувачката мисија на ОБСЕ/ОДИХР во Република Македонија.

Двајцата соговорници разменија мислење за актуелната политичка состојба во земјава во пресрет на претстојниот референдум.

На средбата, претседателот Иванов истакна дека сите институции инволвирани во спроведување на референдумот треба безусловно да ги почитуваат законските прописи,  во согласност со достигнатите демократски придобивки и европските стандарди, водејќи сметка за државните и за интересите на граѓаните.

Шефот на набљудувачката мисија на ОБСЕ го запозна претседателот Иванов со нивните активности поврзани со референдумот. Македонскиот претседател изрази очекување дека набљудувачката мисија на ОБСЕ/ОДИХР професионално ќе ја извршува својата задача во рамките на својот строго утврден мандат.