„Кажи не на дрогата, да на животот“, превентивни активности на МВР

Во текот на вчерашниот ден (13.10.) на подрачјето на секторите за внатрешни работи Скопје, Битола и Велес беа реализирани низа едукативни работилници во основни и средни училишта на повеќе теми важни за заштита на учениците од социо-девијатни појави, пред се околу превенцијата од зависностите.

Така, на подрачјето на СВР Скопје во основните училишта „Блаже Конески“, „Љубен Лапе“ и „Димитар Поп Георгиев-Беровски“ беа реализирани работилници со ученици од деветите одделенија посветени на превенција од меѓуврсничко насилство, како и ,, Кажи не на дрогата, да на животот “.

Во Битола полициски службеници од СВР Битола под мотото „Кажи не на дрогата, да на животот“ реализираа едукативна работилница со ученици од трета и четврта година од Средното електро машински училиште ЕМУЦ „Ѓорѓи Наумов“ од Битола, додека пак на подрачјето на СВР Велес, поточно во Кавадарци, во основните општински училишта „Страшо Пинџур“ и „Тоде Хаџи Тефов“ беа спроведени едукативни работилници за превенција од насилство во училиштата, со посебен осврт на сајбер булингот.