29/03/2024
Охрид

Левица: Жителите од Лескоец пливаат во кал – заборавени од локалната власт и градоначалникот Георгиески

Локалниот огранок на Левица Охрид испрати соопштение до медиумите во кое стои:

„Додека Локалната власт на СДСМ и градоначалникот Константин Георгиески, постојано се расфрлаат со фалби за асфалтирање на улиците во Охрид, охридските села остануваат заборавени од нив.

Ова подолу се фотографии од улица во селото Лескоец, едно од најголемите охридски села, неасфалтирана и целата во кал.

Изгледа како надлежните да заборавиле дека и луѓето во охридските села заслужуваат живот во 21 век. Или, можеби се чекаат локалните избори и предизборната кампања, за Локалната и Градоначалникот, популистички и лицемерно, како и секогаш, да нафрлаат по некој слој асфалт, кој одвај ќе издржи до следните избори. А, дотогаш , на жителите од Лескоец и другите охридски села, не им преостанува ништо друго, освен да пливаат во кал.

Дојде ,,живот во охридските села!“ – стои во соопштението од Левица ЛО Охрид.