Сашо Донев избран за претседател на Советот на општина Охрид

Денес на конститутивната седница на Советот на општина Охрид, за претседател на општинскиот совет беше избран Сашо Донев.

„Денеска од страна на советниците на општина Охрид бев избран за претседател на Советот од страна на советници и од позицијата и од опозицијата за што им сум благодарен. Прво сакам да им се заблагодарам на граѓаните што ни дадоа шанса да ги претставуваме во Советот на општина Охрид и да се бориме за нивните интереси. Ветувам дека во идниот период ќе има многу седници, ќе има многу работа, и сите оние работи кои што ги ветувавме за време на изборната кампања и пред неа сега ќе ги оствариме во дела и ќе се бориме за интересите на граѓаните на општина Охрид без оглед на која политичка партија припаѓаат.“ – истакна Донев.