Центар за јавно здравје Охрид: Состојба со COVID-19 (од 24 до 30 октомври)

Во интерес на информирање на населението кое живее на подрачјето на општините Охрид, Дебрца, Струга, Вевчани, Дебар и Центар Жупа, Центар за јавно здравје Охрид објавува податоци, информации и препораки поврзани со епидемијата од вирусот COVID-19, за период од последната седмица на територијата на горенаведените општини.

За период од 24 до 30 октомври 2020 г.

Материјали (брис грло и нос) за тестирање на присуство на COVID-19 земени се од вкупно 231 лица во општините Охрид, Дебрца, Струга, Вевчани, Дебар и Центар Жупа и анализирани се во лабораториите на Институтот за јавно здравје Скопје

Од вкупно земените материјали, 105 се земени по епидемиолошки индикации (лица кои исполнуваат критериуми за дефиниција на случај), а 126 материјали зе земени при тестирањето со упат од матичен лекар-МОЈ ТЕРМИН

Од вкупно тестираните лица во сите лаборатории во РСМ во овој период, лабораториски е дијагностицирано присуство на COVID-19 кај вкупно 195 лица и тоа кај 120 лица од општина Охрид, кај 54 лица од општина Струга и кај 21 лица од општина Дебар.

Во овој период оздравени се 27 лица од Охрид, 31 лице од Струга и 13 лица од Дебар.

Во овој период починати се 2 лица од Охрид, 5 лица од општина Струга и 3 лица од Дебар

Активни случаи во Охрид се 232, во Струга 101, а во Дебар 58.

Од почетокот на епидемијата до 30 октомври 2020:

-лабораториски е дијагностицирано присуство на COVID-19 кај вкупно 1860 лица во општините Охрид, Дебрца, Струга, Вевчани, Дебар и Центар Жупа, од кои кај 702 лица во општина Охрид и Дебрца, 822 лице во општина Струга и Вевчани и 336 лица во општина Дебар и Центар Жупа.

-оздравени пациенти од Охрид се 438, од Струга се 648, а од Дебар и Центар Жупа се 260 пациенти

-од општина Охрид и Дебрца има 23 починати пациенти, од општина Струга се починати 75, а од Дебар и Центар Жупа се починати 18 лица

Дозволете да нагласиме дека во овој период коронавирусот е широко распространет, во локална трансмисија и со засилена активност.

Коронавирусот го пренесуваат луѓето кои не се придржуваат кон мерките и препораките за заштита од COVID-19.

Во овој момент, единствен начин да се спречи инфекцијата и ширењето на вирусот е строго придржување и примена на превентивните мерки за заштита од COVID-19:

– ПРАВИЛНО УПОТРЕБА НА ЗАШТИТНА МАСКА

– ОДРЖУВАЊЕ НА СОЦИЈАЛНА-ФИЗИЧКА ДИСТАНЦА НА РАСТОЈАНИЕ НЕ ПОМАЛО ОД 2 м.

– ИЗБЕГНУВАЊЕ НА ЈАВНИ СОБИРИ И ГРУПИРАЊА

– ЧЕСТО МИЕЊЕ/ДЕЗИНФЕКЦИЈА НА РАЦЕТЕ

Бидете одговорни!